នៅថ្ងៃសុក្រ ទី 30 ខែសីហា ឆ្នាំ 2024 លោកគ្រួអ្នកគ្រូផ្នែកភាសាអង់គ្លេស នៃសាលារៀន អន្តរទ្វីប អាមេរិកាំង ការិយាល័យកណ្តាល បានរៀបចំវគ្គចែករំលែកដែលធ្វើបទបង្ហាញដោយ លោកគ្រូ​ ស្រស់​ គឹមសឿន ក្រោមប្រធានបទ "គន្លឹះទូទៅនៃការគ្រប់គ្រងថ្នាក់រៀន"។ ការចែករំលែកនេះមានគោលបំណងចែករំលែកដល់គ្រូបង្រៀនអំពីគន្លឹះទូទៅចំនួន១០ នៃការគ្រប់គ្រងថ្នាក់រៀន ដើម្បីធ្វើឱ្យការបង្រៀនសិស្សមានប្រសិទ្ធភាពខ្ពស់ និងទទួលបានជោគជ័យ។ លើសពីនេះការចែករំលែកក៏បានផ្តោតទៅលើរបៀបគ្រប់គ្រង និងបង្រៀនសិស្សក្នុងថ្នាក់ដែលមានចំនួនច្រើនជាមួយនឹងវិធីសាស្រ្តដ៏ល្អៗ។ នៅចុងបញ្ចប់នៃការចែករំលែក លោកគ្រូ អ្នកគ្រូក៏បានសួរសំណួរ និងចែករំលែកយោបល់របស់ពួកគាត់ដោយផ្អែកលើប្រធានបទដោយក្តីរីករាយ។