កាលពីថ្ងៃទី៣០ ខែសីហា ឆ្នាំ២០២៤ កន្លងទៅថ្មីៗនេះ សាលារៀន អន្តរទ្វីប អាមេរិកាំង ការិយាល័យកណ្តាល បានរៀបចំការបង្រៀនថ្នាក់និទស្សន៍មុខវិជ្ជាភាសាអង់គ្លេស បង្រៀនដោយលោកគ្រូ វ៉ា ចន្ទប៊ន់។ ទន្ទឹមនឹងនេះក៏មានការចូលរួមពីសំណាក់លោកគ្រូអ្នកគ្រូក្រោមការសម្របសម្រួលបន្ថែមដោយប្រធានគ្រូ និងអនុប្រធានគ្រូ នៃកម្មវិធីសិក្សាភាសាអង់គ្លេស។ គោលបំណងនៃការបង្រៀនថ្នាក់និទស្សន៍គឺដើម្បីចែករំលែកអំពីវិធីសាស្រ្តក្នុងការបង្រៀនពាក្យដែលទាក់ទងនឹងទីកន្លែង ហើយវិធីសាស្រ្តទាំងនេះអាចជួយសិស្សអោយចេះបញ្ចេញ សំឡេង អាន សរសេរ យល់ពីអត្ថន័យនៃពាក្យ និងបង្កើតល្បះទាក់ទងនឹងសកម្មភាពប្រចាំថ្ងៃឱ្យបានយ៉ាងត្រឹមត្រូវ។ នៅចុងបញ្ចប់នៃការបង្រៀនថ្នាក់និទស្សន៍ លោកគ្រូ អ្នកគ្រូមានឱកាសសួរសំណួរ ដោះស្រាយនូវចម្ងល់ ផ្លាស់ប្ដូរវិធីសាស្ត្រ កែលម្អ និងបំពេញចំណុចខ្វះចន្លោះដែលខ្លួនមាន ដើម្បីអភិវឌ្ឍការបង្រៀនរបស់ខ្លួនឱ្យកាន់តែប្រសើរឡើង។